فى قرار من الرئيس عبد الفتاح السيسي كلف الحكومة بضم العلاوات الخمس المستحقة لأصحاب المعاشات بنسبة 80% من الأجر الأساسي، وذلك فى إطار الإجراءات الحكومية لمواجهة فيروس كورونا.
التقى الرئيس السيسي بقصر الاتحادية مع عدد من السيدات المصريات بمناسبة الاحتفال بعيد المرأة المصريةوهذا ابرز ما جاء بكلمة الرئيس السيسي في هذا اللقاء :
١- زيادة العلاوة الدورية السنوية للمعاشات لتكون بنسبة 14٪ اعتبارا من العام المالي القادم.
٢- ضم العلاوات الخمسة للمعاشات للأجر الأساسى.
٣- مد وقف قانون الضريبة على الأطيان الزراعية لمدة عامين
٤- دعم البورصة المصرية بـ 20مليار جنيه من البنك المركزى.
أقول للمصريين .. متخزنوش السلع .. ومعندناش مشكلة فى أي مواد غذائية.
كما توجه بالشكر للأطباء قائلا .. أنتم تخوضون حربًا كبرى.
كما قال انا مش عايز اخوفكم بس بقول للمصريين عايزين نعدي ال14 يوم الي جايين بأقل خساير عشان إن شاء الله نبقي عدينا مرحله مهمه ونعبر الفتره دي.
?” ماخبيناش عليكم حاجة من أول الأزمة ورغم ذلك بيتم التشكيك برده. طب هنخبي عليكم ليه؟ هل الأمر قاصر على مصر فقط؟ لا ده في الدنيا كلها وأثاره على الدنيا كلها. احنا مش استثناء. نتعامل بشفافية كاملة. مستكترين إن ربنا حتى الآن محافظ علينا؟ وبالأخذ بالأسباب العلمية اللي بنعملها.
مش عايزين ننسى إن التشكيك جزء من استراتيجيتهم ومنذ 80 عاما وليس فقط منذ ظهور الأزمة. هنفضل طول ما احنا عايشين معاهم بيشككوا فينا. نتعامل بكل شفافية وخلينا نقعد أسبوعين كمان بمزيد من الالتزام والمسؤولية والانضباط. عايزين نلتزم علشان نخلي الأرقام متزيدش، أسبوعين بس كمان.
معندناش أي مشكلة في السلع فبلاش الناس تشتري بزيادة. وأتقدم للقطاع الطبي في مصر بكل التحية والتقدير والشكر. تخوضون معركة مثل الحرب. أشكر كل قطاعات الدولة التي تعمل على مدار الساعة وأشكر الإعلام الذي يقوم بدور رائع بصراحة. الأمر لم ينته حتى الآن.
لما قولت اننا خصصنا 100 مليار جنيه لازمة كورونا لقيتهم بيقولوا هتجبوهم منين ؟ “هو احنا قوليلين ولا ايه”
بنتمنى نخرج من الأزمة بأقل الأضرار. الضرر مش اقتصادي بس لا، الأهالي غالية علينا. منحبش أبدا أن أهلننا كالتزام انساني وأخلاقي وديني كمان أنهم يتضرروا. ساعدونا بصمودكم وإصراركم. عايزين نعدى الـ 14 يوما اللي جايين بأقل الأضرار. لو قدرنا نعمل كده يبقى بدأنا نعبر مرحلة صعبة.
ساعدونا يا مصريين، عايزين مزيد من الالتزام والانضباط الاسبوعين دول عشان انتشار فيروس كورونا ميبقاش كبير في مصر.. عملنا اجراءات عشان نقلل حجم الاختلاط بين الناس.. احنا ١٠٠ مليون وبالتالي لازم ناخد بالنا اكتر من كدة..
التعليقات مغلقة.