قالت الخشاب، خلال حوارها مع ببرنامج “شيخ الحارة” على فضائية “القاهرة والناس”، مساء اليوم الأربعاء، إنها تقدمت بطلب إلى لجنة تسوية المنازعات بالدقي مقيد بتاريخ 28 مارس الماضي برقم 269 لسنة 2019، وتحددت له جلسة بتاريخ 11 أبريل للنظر، وقام بتطليقها قبل الجلسة بيومين، مؤكدة أن هذا المستند يدين المطرب طليقها أحمد سعد بتهمة الإضرار بها.
وأضافت الفنانة، “حضرتك مطلقتنيش غيابي، أنا اللي طلبت الطلاق، ردوده غير منطقية، أنا مبعرفش اتكلم معاه بالعقل”، مشيرة إلى أنها “تفاجأت أن بيته إيجار مش تمليك، وكل اخواته كان معاهم مفتاح الشقة”، قائلة: “أنا مش عايشه في لوكاندة.. أنا تركت المنزل وذهبت للإقامة مع أسرتي”.
وتابعت في حلقة البرنامج: “أنا اتجوزته وهو مش حيلته حاجة وشغله كان مواسم، الناس اللي حواليه كانوا بيشتغلوه، كانوا بياخدوا فلوسه”، مضيفة: “حاولت أساعده واشتغلت سكرتيرته ومديرة أعماله ومحاسبة له ووقفت جمبه طول فترة جوازنا”.
التعليقات مغلقة.